Bicholim News: डिचोलीत वादळी पावसाचा तडाखा; बारा ठिकाणी झाडे पडली

जोरदार वादळी पावसाच्या तडाख्यात आज दिवसभरात डिचोलीतील विविध भागांत मिळून बारा ठिकाणी झाडांची पडझड झाली. या पडझडीत कोणतीही आपत्ती ओढवली नाही. मात्र, एका घरासह मोटारगाडीवर झाड कोसळले. या पडझडीत वीज खात्याचे मोठे नुकसान झाले आहे, अशी माहिती डिचोली अग्निशमन दलाकडून उपलब्ध झाली आहे.

साळ येथील वीज केंद्राजवळ एका घरावर आंब्यांचे झाड कोसळले. या घटनेत घराची काही प्रमाणात मोडतोड झाली. बाराजणनगर - डिचोली येथे पार्क करून ठेवलेल्या मोटारगाडीवर रानटी झाड कोसळले. नार्वे येथे सप्तकोटीश्वर मंदिराजवळ वीजवाहिन्या तोडून फणसाचे झाड रस्त्यावर कोसळले.