Bicholim By-Elections: वन-म्हावळींगेतून शाहू वरक, वेळगेतून सर्वेश घाडी विजयी

Bicholim By-Elections: पोटनिवडणूक घेण्यात आलेल्या वन-म्हावळींगे पंचायतीच्या प्रभाग सहा मधून शाहू बोमो वरक, तर वेळगे पंचायतीच्या प्रभाग-पाच मधून सर्वेश नवसो घाडी विजयी झाले आहेत.

डिचोली तालुक्यातील या दोन्ही पंचायतीच्या मिळून दोन प्रभागांसाठी शनिवारी (ता.25) मतदान घेण्यात आले होते.

आज (सोमवारी)सकाळी 8 वाजता डिचोलीच्या मामलेदार कार्यालयात मतमोजणी झाली. निर्वाचन अधिकारी तथा मामलेदार राजाराम परब यांच्या मार्गदर्शनाखाली मतमोजणीची प्रक्रिया पार पडली.

सकाळी नऊ वाजेपर्यंत मतमोजणी पूर्ण होवून निकाल जाहीर करण्यात आला. निकालानंतर विजयी उमेदवारांना निर्वाचन अधिकारी श्री. परब यांनी प्रमाणपत्रे वितरीत केली.

दरम्यान, आज चार दिवसीय अर्थसंकल्पीय अधिवेशनाला सोमवारपासून प्रारंभ होत आहे. मुख्यमंत्री डॉ. प्रमोद सावंत अर्थमंत्री या नात्याने 29 मार्च रोजी 2023-24 चा अर्थसंकल्प सादर करतील.

चालू अधिवेशनात अर्थसंकल्प सादर केला जाईल आणि पुढील पावसाळी अधिवेशनात यावर चर्चा होईल, असे मुख्यमंत्र्यांनी सांगितले आहे.