Chala Hawa Yeu Dya: भाऊ, कुशल, श्रेयाचा गोव्यात सन्मान; मिळाली अमूल्य भेट

शिगमोत्सवानिमित्त आयोजित चला हवा येऊ कार्यक्रम वास्को आणि पेडणे येथे आयोजित करण्यात आला होता.
Bhau Kadam, Kushal Badrike, Shreya Bugade And Krishna Salkar
Bhau Kadam, Kushal Badrike, Shreya Bugade And Krishna SalkarDainik Gomantak

कॉमेडीचे बादशाह भाऊ कदम, कुशल बद्रिके आणि कॉमेडी क्वीन श्रेया बुगडे शिगमोत्सवानिमित्त गोव्यात आहेत. गोव्यात त्यांनी ठिकठिकाणी साजऱ्या होणाऱ्या उत्सवात हजेरी लावली.

पेडणे येथे झालेल्या शिगमोत्सवात चला हवा येऊ द्या कार्यक्रम मोठ्या उत्साहात पार पडला. त्यानंतर वास्को येथे देखील हा हास्याचा कार्यक्रम आयोजित करण्यात आला होता. दरम्यान, या त्रिकुटाचा वास्कोत खास सन्मान करण्यात आला.

वास्कोचे आमदार कृष्णा दाजी साळकर यांनी भाऊ कदम, कुशल बद्रिके आणि श्रेया बुगडे (Bhau Kadam, Kushal Badrike And Shreya Bugade)) यांचा खास सत्कार केला. गोमन्तकीयांच्या प्रेमाचे प्रतिक म्हणून साळकर यांनी तिघांना कुणबी शाल आणि कुणबी साडी भेट म्हणून दिली.

नुकताच वास्को येथे गोव्याचा पारंपारिक शिगमोत्सव पार पडला. या उत्सवात प्रसिद्ध चला हवा येऊ द्या या कार्यक्रामाचे खास आयोजन करण्यात आले होते. वास्को येथील नागरिकांनी या कार्यक्रमाला भरभरून प्रतिसाद दिला. त्यानंतर साळकर यांनी तिघांचा सन्मान केला.

वास्को येथे हा हास्य कार्यक्रमा सादर होण्यापूर्वी पेडणे येथे देखील तो पार पडला. पेडणे आमदार प्रवीण आर्लेकर यांच्या वतीने या कार्यक्रमाचे आयोजन करण्यात आले होते.

दरम्यान, चला हवा येऊ द्या हा कॉमेडी कार्यक्रम मागील आठ वर्षांपासून, महाराष्ट्रासह जगभरातील प्रेक्षकांच्या पसंतीस उतरला आहे. या कार्यक्रमाच्या माध्यमातून भाऊ कदम, कुशल बद्रिके, सागर कारंडे, भारत गणेशपुरे, श्रेया बुगडे आणि कार्यक्रमाचा होल अँड सोल निलेश साबळे घराघरात पोहोचले. महाराष्ट्रासह गोव्यात देखील या शोचे अनेक चाहते आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com