वास्को: गोवा ही कलाकारांची खाण आहे. गोव्याच्या मातीत अनेक कलाकार निर्माण होऊन ते आज नावारुपास आले आहे. तसेच गोव्याचे नावलौकीक राष्ट्रीय तसेच आंतरराष्ट्रीय स्तरावर नेले आहे. गोव्याच्या समृद्ध अशा भजन परंपरेला उत्तेजन देण्याच्या उद्देशाने कला अकादमी गोवातर्फे पं. मनोहरबुवा शिरगावकर भजन स्पधेचे आयोजन करून आपली भजन संस्कृती टीकवून ठेवण्यास मोलाची कामगीरी केली आहे.
(Bhajan competition organized by Kala Academy Goa)
तसेच कला अकादमी गोवाच्या या उपक्रमातून अनेक लहानापासून वृद्धापर्यंत कलकार तयार झाले आहेत. यासाठी कला अकादमी गोवा अभिनंदनास पात्र असल्याचे प्रतिपादन वास्कोचे आमदार कृष्णा (दाजी) साळकर यांनी केले.
कला अकादमी गोवा आयोजित पं. मनोहरबुवा शिरगांवकर स्मृति विभागीय स्तरावरील केंद्र क्र.६ वरील आयोजित पुरुष कलाकार भजन स्पर्धेच्या उद्घाटन कार्यक्रमात ते प्रमुख पाहुणे या नात्याने बोलत होते. यावेळी त्यांच्या समवेत व्यासपीठावर संस्थेचे अध्यक्ष दिपक नाईक, कला अकादमीचे कार्यक्रम व विकास अधिकारी प्रदीप गावकर, कार्यक्रम अधिकारी संजीव झमेॆकर, स्पर्धेचे परीक्षक परशुराम काणकोणकर, रामदास पिळर्णकर, संजीव खांडेपारकर आदी मान्यवर उपस्थित होते. यावेळी पुढे बोलताना आमदार श्री साळकर म्हणाले की राज्य सरकारने कलाकारांसाठी अनेक योजना आखल्या असून त्याचा कलाकारांनी फायदा घेण्याचे आव्हान साळकर यांनी केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
