Bethora Fire Incident: बघता बघता कारने घेतला पेट! दत्तगड-बेतोड्यात जीप जळून खाक, 22 लाखांचे नुकसान

Bethora Thar Jeep fire News

फोंडा: दत्तगड - बेतोडा येथे सोमवारी मध्यरात्री २.२० वाजण्याच्या सुमारास घराच्या जवळ पार्क केलेली थार जीपला शॉट सर्कीट मुळे आग लागली. दीड वर्षांपूर्वी घेतलेली थार जीप संपूर्ण जळून खाक झाली असून अंदाजे २० ते २२ लाख रुपयाचे नुकसान झाल्याचा दावा थार जीप मालक इम्रान झालेकर यांनी केला आहे.

झालेकर यांनी दिलेल्या माहितीनुसार (जीए-०९, डी -८७६१) ही थार जीप सोमवारी रात्री ९.३० वाजता घराजवळ पार्क करून ठेवली होती. पण रात्री २-२० वाजण्याच्या सुमारास थार जीप गाडीत शॉर्ट सर्कीट झाले व आगीने पेट घेतला. अचानक जीपचा टायर फुटल्याचा मोठा आवाज आल्याने या वस्तीतील लोकांनी बाहेर येऊन पाहिले असता थार जीप पूर्ण आगीच्या विळख्यात होती. संपूर्ण कारने पेट घेतला होता.

आगीची झळ घरांच्या बाजूला असलेल्या वातानुकूलित यंत्राला लागली व हे यंत्रही जळून खाक झाले आहे. घरातील तसेच स्थानिक लोकांनी त्वरित अग्निशमन दलाच्या कार्यालयात दूरध्वनीवरुन माहिती दिल्यावर अग्नीशामन दलाच्या कर्मचाऱ्यांनी या ठिकाणी येऊन आग विझविली. घरा शेजारच्या घरांची दारे, तसेच घरातील वस्तु, वातानकुलीत यंत्र व थार जीप मिळून अंदाजे २२ लाखांचे नुकसान झाल्याचे इम्रान झालेकर यांनी सांगितले.