Goa Narkasur: 15 बॉक्स बिअर आणि चार हजार कॅश! गोव्यात नरकासूर स्पर्धेनिमित्त विचित्र बक्षीस

Goa Narkasur

पणजी: दीपावली जवळ आल्याने गोव्यात नरकासूर बणविण्याची लगबग सुरु झाली आहे. विविध गावात मोठा आणि हटके नरकासूर उभारण्यासाठी तरुणाई रात्रंदिवस मेहनत घेत आहेत.

अशात नरकासूर स्पर्धांना देखील राज्यात ऊत आले आहे. अशाच नरकासुर स्पर्धेच्या बक्षिसाची सध्या जोरदार चर्चा सुरु आहे. धक्कादायक बाब म्हणजे या स्पर्धेसाठी चक्क बिअर बॉक्स बक्षीस म्हणून ठेवण्यात आली आहेत.

चोडण- माडेल येथील आई नवदुर्गाच्या वतीने नरकासूर स्पर्धा आयोजित करण्यात आली आहे. यासाठी लॉटरी पद्धतीने कूपन काढली जाणारयेत.

बक्षिसांची यादी

१) चार हजार रुपये रोख आणि १५ बॉक्स बिअर (किंगफिशर)

२) तीन हजार रुपये रोख आणि दहा बॉक्स बिअर

३) दोन हजार रोख आणि पाच बॉक्स बॉक्स बिअर

४) दीड हजार रोख आणि चार बॉक्स बिअर

५) एक हजार रोख आणि ती बॉक्स बिअर

तसेच

पाच उत्तेजनार्थ बक्षिसे काढली जाणार असून, यातील प्रत्येकाला दोन लहान बॉक्स बिअर आणि पाचशे रुपये रोख बक्षीस स्वरुपात दिले जाणार आहेत.

आयोजकांनी प्रसिद्ध केलेल्या माहितीनुसार या 'लकी ड्रॉ' चा निकाल २९ ऑक्टोबर रोजी रात्री आठ वाजता जाहीर केला जाणार आहे. निकाल जाहीर झाल्यानंतर ३० तारखेला सायंकाळी चार पूर्वी बक्षीस घ्यावं लागणार आहे, असे आयोजकांनी म्हटले आहे.

या स्पर्धेवरुन आयोजकांवर टीका होत आहे. धार्मिक उत्सवासाठी बक्षीस स्वरुपात मद्य वाटप केले जाणार असल्याने ही स्पर्धा वादात सापडली आहे.

दरम्यान, यापूर्वी एका हॉटेलमध्ये दहीहंडी निमित्ताने बिअर वाटप केले जाणार असल्याचे ऑफर ठेवण्यात आली होती. यावर हिंदू जनजागृती समितीने आक्षेप नोंदवला होता. यानंतर हॉटेलने ती ऑफर तात्काळ मागे घेतली होती.