चरावणे-सत्तरी येथील सरकारी प्राथमिक शाळेच्यावतीने विद्यार्थ्यांना व्यावहारिक आणि गणितीक ज्ञान तसेच बाजारातील खरेदी-विक्रीचे प्रत्यक्षात ज्ञान प्राप्त करण्यासाठी ‘बाझार डे’ भरविला होता. या कार्यक्रमांतर्गत विद्यार्थ्यांनी घरगुती वस्तू गावठी भाजी, फळे, खाद्यपदार्थ, पेयजल, कंदमुळे आदी विक्रीसाठी ठेवले होते.
दिवसभर चाललेल्या या बाजाराला परिसरातील नागरिक, पालक व शिक्षकांनी वस्तूची खरेदी केली. खरेदीला प्रतिसाद मिळून चांगला व्यवहार झाला असल्याची माहिती शिक्षकांनी दिली.
या ‘बाजार डे’चे उद्घाटन ठाणे माध्यमिक विद्यालयाचे मुख्याध्यापक काशिनाथ नाईक, ज्येष्ठ शिक्षक गणेश गावडे, वाळपई सर्व शिक्षा अभियानच्या कृष्टा चोर्लेकर, पत्रकार उदय सावंत, पालक शिक्षक संघाचे अध्यक्ष जनार्दन गावस, उपाध्यक्ष गिरिष गावस, सभासद सुमेधा गावस, मोहिनी गावस, रिमा भट, शीतल गावस, नंदा गावस, तारक गावस, नीलेश गावस, नारायण गावस, राजेंद्र नाईक, पूर्वप्राथमिक पालक शिक्षक संघाच्या अध्यक्षा वनम्रता नाईक, उपाध्यक्ष नुतन गावस, शिक्षिका संजीवीनी गावस, सुवर्णा गावस आदींची उपस्थिती होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.