Mapusa Theft Case : बार्देश मंदिर चोरी प्रकरणाचा 24 तासांत छडा, मुद्देमालासह एक अटकेत

Mapusa Theft Case कार्यतत्पर असलेल्या गोवा पोलिसांच्या सतर्कतेने अनेक गुन्ह्यांचा तातडीने शोध लावला जात असून दोन दिवसांपूर्वी म्हापसा बार्देझ येथील विठ्ठल रुक्मणी मंदिरात झालेल्या चोरी प्रकरणी म्हापसा पोलिसांनी एकाला अटक केली आहे.

या तपासादरम्यान म्हापसा पोलिस स्टेशनच्या कर्मचाऱ्यांनी परिसरातील सर्व सीसीटीव्ही फुटेज तपासले. त्यावेळी त्यांना मंदिराच्या आवारात अज्ञात व्यक्ती प्रवेश करून वस्तूंची चोरी करत असल्याचे दिसून आले.

शेवटी विशेष पथकाच्या सहाय्याने 24 तासांत पोलिसांना आरोपी श्रीकांत रा. गुरुनाथ पट्टण (वय-33 वर्षे, हुबळी-कर्नाटक) याला अटक करण्यात यश आलंय.

दरम्यान आरोपी श्रीकांत याच्याकडून मंदिरातील मोबाइल हँडसेट, 30 ग्रॅम वजनाचे चांदीचे शिवलिंग आणि मंदिराचा एक पेनड्राईव्ह असे सर्व साहित्य पोलिसांनी हस्तगत केलंय.

एसडीपीओ म्हापसा जिवबा दळवी आणि पीआय म्हापसा परेश नाईक यांनी घटनास्थळी भेट देऊन परिस्थितीचा आढावा घेतला होता. एसपी उत्तर निधिन वलसन यांच्या देखरेखीखाली संपूर्ण प्रकरणाचा छडा लावण्यात आला असून पुढील तपास सुरू आहे.