Goa Demand High Court: गोव्यात स्वतंत्र उच्च न्यायालयाची मागणी; बार असोसिएशनचा ठराव

Goa Demand High Court

गोवा राज्याला स्वतंत्र उच्च न्यायालय देण्यात यावे असा ठराव गोवा उच्च न्यायालय बार असोसिएशनच्या सर्वसाधारण सभेत एकमताने संमत करण्यात आला. गेल्या अनेक वर्षापासून असोसिएशनची ही मागणी प्रलंबित होती. त्यामुळे आता या हालचालींना सरकारच्या मदतीने वेग आला आहे.

पर्वरी येथील उच्च न्यायालयाच्या आवारात शुक्रवारी (दि. २६) संध्याकाळी गोवा उच्च न्यायालय बार असोसिएशनची सर्वसाधारण सभा पार पडली. कुएल पेरेरा या सभेच्या अध्यक्षस्थानी होते. या सभेत उच्च न्यायालयातील अनेक वकिलांनी उपस्थिती लावली.

गोवा हे वेगळे राज्य असल्याने घटनेनुसार स्वतंत्र उच्च न्यायालय असायला हवे, असे म्हणणे सभेत मांडण्यात आले.

गोव्यात स्वतंत्र उच्च न्यायालय झाल्यास राज्यातील न्यायाधीशांची संख्या वाढेल तसेच, प्रलंबित खटले वेळेत निकाल निघण्यास मदत होईल, असे मत या सभेत मांडण्यात आले.