Goa Crime: KYC करण्यासाठी OTP सांगितला आणि 2.54 लाखांचा बसला फटका, बँकेचा प्रतिनिधी असल्याचे भासवून महिलेला घातला गंडा

Bank Fraud At Arlem: पोलिसांनी संशयिताविरुद्ध गुन्हा नोंद केला आहे. सध्या पोलिस त्याचा शोध घेत आहेत. पोलिस निरीक्षक अरुण गावस देसाई यांच्या मार्गदर्शनाखाली पुढील तपास सुरू आहे.
Crime News
Crime NewsDainik Gomantak
Published on
Updated on

मडगाव: बँक ऑफ इंडियाचा प्रतिनिधी असल्याचे एका भामट्याने भासवून केवायसी फॉर्म भरायचा बाकी आहे असे सांगून एका महिलेच्या बँक खात्यातील २ लाख ५४ हजार रुपये परस्पर काढून त्या महिलेला गंडा घातला. याप्रकरणी मायणा-कुडतरी पोलिस ठाण्यात तक्रार नोंद झाली आहे.

पोलिसांनी हम्मीद मुल्ला या संशयिताविरुद्ध गुन्हा नोंद केला आहे. सध्या पोलिस त्याचा शोध घेत आहेत. पोलिस निरीक्षक अरुण गावस देसाई यांच्या मार्गदर्शनाखाली पुढील तपास सुरू आहे.

आर्ले-राय येथील ४९ वर्षीय महिला तक्रारदार आहेत. फसवणुकीची ही घटना मागच्या वर्षी २२ ऑक्टोबर रोजी घडली होती. संशयिताने या महिलेला मोबाईलवरून कॉल केला.

Crime News
Goa Crime: दोना पावला येथे तरुणीचा विनयभंग, झारखंडला जाण्याच्या तयारीत असलेल्या कॅसिनो कर्मचाऱ्यास अटक, CCTV मुळे काढला माग

आपण बॅंक ऑफ इंडियाचा प्रतिनिधी असल्याचे सांगताना तुम्ही तुमच्या बॅंक खात्याचे केवायसी केले नसल्याचे सांगितले. तुमचे खाते गठीत झाल्याचेही सांगताना, ते पुन्हा सुरू करण्यासाठी त्या खात्याची तपशीलवार माहिती त्या संशयिताने घेतली.

आता जो तुम्हाला ओटीपी क्रमांक येईल तो पाठविण्यास सांगितले. त्याच्या बोलण्यावर विश्वास ठेवून तक्रारदाराने बँक खात्याबद्दल सर्व माहिती देताना आलेला ओटीपी क्रमांकही दिला. नंतर संशयिताने महिलेच्या बॅंक खात्यातील २ लाख ५४ हजार ९९६ रुपये काढले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com