‘बांबोळी’ विक्रेते आंदोलनाचा दहावा दिवस!

पणजी Panjim : बांबोळीतील (Bambolim) ‘गोमेकॉ’ (GMC) समोरील विक्रेत्यांचे धरणे आंदोलन दहाव्या दिवशीही सुरूच राहिले. जोपर्यंत गाळे मिळण्याबाबत शहानिशा होत नाही, तोपर्यंत आंदोलनातून माघार नाही, असा निर्धार त्यांनी केला आहे.

सुरवातीला चार दिवस उपोषण आंदोलन (Vendor Agitation) केलेल्या विक्रेत्यांनी आमदारांच्या आश्‍वासनानंतर उपोषण स्थगित केले, तरी सकाळी 9 ते 12 वाजेपर्यंत दररोज धरणे आंदोलन सुरू आहे. गेल्या पाच महिन्यांपासून सरकारकडून (Goa Government) आश्‍वासनबाजी चालली असल्याने आता गाळ्यांसाठी जागा निश्‍चिती झाल्यानंतरही विक्रेत्यांना विश्‍वास नाही, असे आंदोलक संदीप चोडणकर यांनी सांगितले. मागील आठवड्यात पाऊस असतानाही त्‍याची तमा न बाळगता आंदोलन सुरूच आहे.