Balli School Bus Accident : मडगाव, गेल्या महिन्यात बाळ्ळी येथे झालेल्या बालरथ स्कूल बसच्या अपघातातील बसचालक प्रभाकर वेळीप याच्याविरोधात कुंकळ्ळी पोलिसांनी केपे न्यायालयात आरोपपत्र दाखल केले.
७ डिसेंबर २०२३ रोजी सकाळी कुंकळ्ळीला विद्यार्थ्यांना घेऊन जात असताना बालरथ बसचा अपघात झाला. यात २७ विद्यार्थी किरकोळ, तर ५ विद्यार्थी गंभीर जखमी झाले होते. बसचे स्टेअरिंग लॉक झाल्याने हा अपघात झाल्याचे चालकाने सांगितले. मात्र चालक भरधाव वेगात बस चालवत असल्याचा आरोप पालकांनी केला होता.
कुंकळ्ळी पोलिसांनी आता बसचालक प्रभाकर वेळीप (४७) विरोधात २७९ आणि ३३७ कलमांतर्गत आरोपपत्र दाखल केले.
मात्र, ही कलमे जामीनपात्र असल्याने त्याची आता जामिनावर सुटका करण्यात आली आहे, अशी माहिती कुंकळ्ळीचे पोलिस निरीक्षक डायगो ग्रासियस यांनी दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.