Dovorlim Land Grab: दवर्लीतीलवृध्द व्यापाऱ्याची दवर्ली येथील जमीन हडप करण्याचा आरोप असलेला या प्रकरणातील सूत्रधार सलीम दोडामणी याला मडगाव प्रथम वर्ग न्यायालयाने 25 हजारांच्या जामिनावर मुक्त केले.
मृत झालेल्या नोटरीच्या नावे बनावट शिक्के तयार करून तसेच बनावट पॉवर ऑफ ॲटर्नी तयार करून जमीन हडपली गेली होती.
या प्रकरणातील दुसरा संशयीत राजदीप कुंडईकर हा अटकपूर्व जामीन मिळविण्यासाठी मुंबई उच्च न्यायालयात गेला असून आज त्याला तात्पुरता दिलासा देताना 12 जून पर्यंत न्यायालयाने त्याला पोलीसांनी अटक करू नये असे मडगाव पोलीसांना निर्देश दिले आहेत.
मध्यंतरी संशियातला पोलिसांनी चौकशीसाठी बोलावल्यास पोलिस स्थानकावर हजर रहावे असे सांगितले आहे.
दरम्यान या प्रकरणातील अन्य दोन संशयीत महमद इस्माईल ललनवार आणि इलियास अब्दुल धलायत याना यापूर्वीच अटकपूर्व जामिन मंजुर झाला आहे.
या प्रकरणी मडगाव पोलीसांनी मडगाव येथील एका नोटरीसह एकूण 5 जणावर फसवणूक व अफरातफरीचा गुन्हा दाखल केला आहे.
या प्रकरणाची पार्श्वभूमी अशी की महमद सालेह मुसा या मडगाव येथील कपड्याच्या व्यापाऱ्याचे दवर्ली येथील दोन प्लॉट सलीम आणी राजदीप यांनी बनावट कागदपत्रे तयार करून घेऊन बनावट पॉवर ऑफ ॲटर्नीच्या आधारे ललनवार आणि धलायत यांना विकले.
यासाठी एका मृत नोटरीच्या नावाने बोगस कागदपत्रे तयार करण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
