Baga Rape Case: बागा कथित सामूहिक बलात्कार प्रकरण; महिला म्हणते असे काही झालेच नाही

Baga Alleged Gang Rape Case: पर्यटनासाठी प्रसिद्ध असलेल्या बागा येथे 18 ते 20 फेब्रुवारी दरम्‍यान एक धक्कादायक प्रकार घडल्याची माहिती समोर आली होती.

पश्‍चिम बंगालमधील एका मनोरुग्ण महिलेवर सामूहिक बलात्कार झाल्‍याची घटना उघकी आली. या प्रकरणी कळंगुट पोलिसांनी अज्ञातांविरोधात गुन्हा दाखल केला.

दरम्यान, महिलेने याप्रकरणी न्यायदंडाधिकाऱ्यांसमोर जबानी दिली आहे.

महिलेने कथित सामूहिक बलात्कार प्रकरणी न्यायदंडाधिकाऱ्यांसमोर जबानी दिली असून, तिच्यावर अत्याचार झाला नसल्याचे महिलेने म्हटले आहे. त्यामुळे महिलेवर बलात्कार झाला नसल्याचे स्पष्ट झाले आहे.

प्रकरण समोर आल्यानंतर तपासासाठी ही केस पणजीतील महिला पोलिसांकडे वर्ग केली होती. महिला मनोरुग्‍ण असल्याने तिचा गैरफायदा घेतल्याचा संशय पोलिसांनी व्यक्त केला होता. दरम्यान, महिलेने असे काही घडले नसल्याची जबानी आता दिली आहे.