Baga Beach Fire: बागा बीचवरील नाईट क्लबमध्ये आग; पार्टी करणाऱ्यांमध्ये उडाला गोंधळ

Baga Beach Fire: गोव्यात सुरू असलेल्या आगीच्या घटना थांबण्याचे नाव घेत नाहीत. काल तरी बागा समुद्रकिनाऱ्यावर आग लागल्याची माहिती समोर आली आहे. बागा बीचवर असलेल्या एक नाईट क्लबमधल्या एका खोलीत आग लागल्याने क्लबमध्ये पार्टी करणाऱ्यांमध्ये गोंधळ उडाला.

ज्या खोलीत वातानुकूलित युनिट ठेवण्यात आले होते त्या खोलीत ही आग लागल्याचे सूत्रांनी सांगितले.

आगीची माहिती मिळताच अग्निशमन दलाचे जवान घटनास्थळी पोहोचले; मात्र तोपर्यंत आग विझवण्यात नाईट क्लबच्या कर्मचाऱ्यांना यश आले. या आगीत काही एअर कंडिशनर युनिट्स आणि इलेक्ट्रिकल उपकरणांचे नुकसान झाले आहे, असे अग्निशमन अधिकाऱ्यांनी सांगितले.

दरम्यान, गोव्यात आगीच्या घटना वाढलेल्या असताना (ता.22) चांदर येथे सातान जुआव रॉड्रिग्ज यांच्या मालकीच्या लाकडाच्या वखारीजवळ असलेल्या लाकडांच्या ओंडक्यांना आग लागून लाखो रुपयांचे नुकसान झाले. ही दुर्घटना दुपारी बुधवारी 12 वा.च्या सुमारास घडली.