Ganesh Visarjan, Sirsaim Goa: घरोघरी विराजमान असलेल्या गणपती बाप्पाच्या विविध मान्यतांनुसार विसर्जनाला सुरुवात झाली आहे. दीड, पाच, सात दिवसांच्या गणपतीचे ठिकठिकाणी विसर्जन केले जात आहे.
पण, विसर्जनावेळी शिरसई येथून एक घटना समोर आली आहे. गणपती विसर्जनस्थळी मगरीचे पिल्लू खुलेपणाने फिरताना आढळून आल्याने परिसरात भीतीचे वातावरण आहे.
याबाबत स्थानिकांनी एक व्हिडिओ चित्रित केला असून, शिरसई येथील लोकांनी विशेष काळजी घेण्याचे आवहन करण्यात आले आहे. मगरीचे एक पिल्लू गणपती विसर्जनस्थळी आढळून आल्याने खळबळ निर्माण झाली. विसर्जनस्थळी लोकांनी अधिक सतर्क राहण्याची गरज आहे.
सध्या सर्वत्र गणेश विसर्जनाची धूम आहे. विसर्जन काळात लोकांकडून दुर्लक्ष होण्याची शक्यता आहे. मगरीच्या पिलांचा मुक्त संचार धोकादायक असून, काही अपघात होण्याची शक्यता नाकारता येत नाही. त्यामुळे सर्वांनी काळजी घ्यावी असे आवाहन स्थानिकांनी केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.