सासष्टी: उपमुख्यमंत्री तथा आगामी विधानसभा निवडणुकीतील (Goa Assembly Election) मडगावचे भाजपचे उमेदवार मनोहर उर्फ बाबू आजगावकर (Babu Ajgaonka) हे मडगावात प्रथमच विधानसभा निवडणुकीला सामोरे गेले आहेत, असे नव्हे. तर 1994 साली बाबू आजगावकर यांनी बाबा म्हणजेच दिगंबर कामत (Digambar Kamat ) यांच्या विरोधात अपक्ष म्हणून निवडणूक (Election) लढवली होती. त्यावेळी दिगंबर कामत हे भारतीय जनता पक्षाचे उमेदवार होते.
त्यावेळी दिगंबर कामत (Digambar Kamat ) यांच्याविरुद्ध एकूण 12 उमेदवार होते. दिगंबर कामत यांना 5009 मते पडली होती व बाबू यांना 1335 . बाबू आजगावकर (Babu Ajgaonka) चौथ्या स्थानावर होते. त्यानंतर दिगंबर या मतदारसंघात सहा वेळा निवडून आले. त्यात दोन वेळा भारतीय जनता पक्षाच्या उमेदवारीवर. बाबू मात्र धारगळ व पेडणेतून (Pernam) निवडून आले. पण, आता 28 वर्षांनंतर दोघेही दुसऱ्यांदा एकमेकांच्या विरोधात निवडणुकीत उभे आहेत. बाबू भाजप तर बाबा कॉंग्रेसच्या उमेदवारीवर.
दोघांसाठी ही निवडणूक आपले राजकीय अस्तित्व टिकवण्यासाठी महत्त्वाची आहे. बाबू जरी धारगळ व पेडणेत असले तरी त्याची मडगावातील आपली पकड मजबूत आहे हे सिद्ध करण्यासाठी यावेळी ते प्रयत्न करतील. मोती डोंगर, बाबू नगरी, आझाद नगरी, फकीर बांद, खारेबांद, गांधी मार्केट व प्रभाग 14 या भागावर कामत यांची मदार आहे व याच भागातील मतदारही बाबूंना आपले नेते मानतात. त्यामुळे या भागातील मतांवरच त्यांचे भवितव्य असेल.
तृणमूलने नगरसेवक घनश्याम शिरोडकर यांना डावलून महेश आमोणकर यांना संधी दिली आहे. त्यामुळे आमोणकर यांची मदारही याच मतदारांवर असल्याने ही निवडणूक अटीतटीची होण्याची शक्यता वर्तवली जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
