डिचोली: सध्या तापमान प्रचंड वाढले असून कमाल तापमान 4 सेल्सियसने वाढले आहे. उष्णता वाढत राहणार असून, उष्णतेच्या लाटेचा इशारा हवामान विभागाने दिला आहे. त्या पार्श्वभूमीवर वाढत्या उष्म्यापासून आरोग्याची काळजी कशी घ्यावी आणि असह्य उकाड्याचा सामना कसा करावा. त्याविषयी मार्गदर्शन करण्यासाठी जागृती कार्यक्रम येत्या बुधवारी (ता. 16) डिचोलीत आयोजित करण्यात आला आहे.
डिचोली लायन्स क्लब आणि भारतीय वैद्यकीय संघटनेच्या सहकार्याने डिचोली सामाजिक आरोग्य केंद्रातर्फे दुपारी 3.30 वा. लायन्स सभागृहात (हिराबाई झांट्ये सभागृह) हा कार्यक्रम आयोजित करण्यात आला आहे, अशी माहिती आरोग्य अधिकारी डॉ. मेधा साळकर आणि भारतीय वैद्यकीय संघटनेचे डॉ. शेखर साळकर यांनी पत्रकार परिषदेत दिली.
या कार्यक्रमांतर्गत पर्यावरण अभ्यासक प्रा. राजेंद्र केरकर हे बदलत्या हवामानाविषयी उपयुक्त माहिती देणार आहेत. डॉ. साळकर यां ‘हिट वेव्ह’ची लक्षणे आणि परिणाम याविषयी मार्गदर्शन करणार आहेत. मेणकुरे, साळ, वन-म्हावळींगे सर्वण आणि अन्य भागातील लोकांसाठी हा कार्यक्रम आयोजित करण्यात आला आहे. हवामानातील बदलामुळे तापमानातवाढ होत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
