दहशतवाद विरोधी पथकाने (Anti-terrorism Squad) (ATS) वागातोर येथे रात्रीचे मॉक ड्रिल (Night Mock Drill) केले. शुक्रवारी (23 ऑगस्ट) रात्री 8.45 ते 10.20 यावेळेत वागातोर येथील डब्लू हॉटेलमध्ये (W Hotel) हे मॉक ड्रिल करण्यात आले. यावेळी एक हॉस्टेज परिस्थिती तयार करण्यात आली. ज्यामध्ये तीन शस्त्रधारी अतिरेक्यांनी हॉटेलचा ताबा घेतला आणि या विरोधात दहशतवाद विरोधी पथकाने कारवाई करत मोहिम फत्ते केली.
हणजूणे पोलिसांनी (Anjuna Police) यावेळी डब्लू हॉटेलच्या बाहेर चोक बंदोबस्त ठेवत, बघ्यांची गर्दी नियंत्रित केली. ऑपरेशन परिसरात नागरिकांना जाण्यास मज्जाव करण्यात आला होता. दहशतवाद विरोधी पथकातील एक टिमने दहशतवाद्यांना निकामे केले तर, दुसऱ्या टिमने हॉटेल परिसराचा तपास केला. या मॉक ड्रिलच्या वेळी एक जवान गंभीर जखमी झाला, शिवोली प्राथमिक आरोग्य केंद्राच्या वतीने या जखमी जवानावर उपचार करण्यात आले.
मॉक ड्रिल दरम्यान जवानांनी ज्या समस्यांचा सामना केला याची माहिती घेण्यात आली. वायरलेस स्टेशनला मॉक ड्रिलचा अहवाल सादर करण्यात आला. तसेच, हॉटेलला मॉक ड्रिल दरम्यान कोणतेही नुकसान झाले नाही अशीही माहिती देण्यात आली. दहशतवाद विरोधी पथक यांच्यासह हणजूणे पोलिस, शिवोली प्राथमिक आरोग्य केंद्राचे कर्मचारी यांनी या मॉक ड्रिलमध्ये सहभाग घेतला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.