Atal Setu: मागील काही दिवसांपासून दुरूस्तीच्या कारणास्तव बंद असलेला अटल सेतू आज (रविवारी, दि.16) दुपारी एक वाजता वाहतुकीसाठी खुला केला जाणार आहे. अशी माहिती राज्याचे मुख्यमंत्री प्रमोद सावंत यांनी दिली आहे.
(Atal Setu Will Be Open For Public Use From Around 1:00 pm Today)
'अटल सेतूच्या सर्व लेन रविवारी दुपारी एक वाजता वाहतुकीसाठी खुल्या केल्या जातील. नागरीकांनी मागील काही दिवसांपासून दाखवलेल्या सहशीलतेबाबत मी त्यांना धन्यवाद देतो. सेतूवरील डांबरीकरण आणि हॉटमिक्सिंगचे काम सुरू असल्यामुळे हा मार्ग बंद ठेवण्यात आला होता. लोकांना झलेल्या त्रासाबद्दल मी दिलगीर आहे. दरम्यान, कर्मचाऱ्यांनी लवकरात लवकर काम पूर्ण केल्याबद्दल मी त्यांना देखील धन्यवाद देतो.' असे मुख्यमंत्री सावंत म्हणाले.
दरम्यान, मागील काही दिवसांपासून अटल सेतू बंद असल्यामुळे वाहतुकीला अडथळा निर्माण होऊन वाहतूक कोंडी होत होती.
अखेर अटल सेतू खुला झाल्याने पणजी, म्हापसा मार्ग आणि रायबंदर मार्गावरील वाहतूक कोंडी कमी व्हायला मदत होणार आहे. मागील काही दिवसांपासून मांडवी परिसरात होणाऱ्या कोंडीमुळे वाहन चालक हैराण झाले होते. दरम्यान, सेतू खुला झाल्यानंतर काहीसा दिलासा मिळणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.