म्हापसा: सहज उपलब्ध होणारा आणि दीर्घकाळ नशेत ठेवणारा अमलीपदार्थ म्हणून गांजाकडे पाहिले जाते. अलीकडे गोव्‍यात गांजाची तस्‍करी वाढली आहे. अनेकांना या प्रकरणी अटकही झालेली आहे.
शनिवारी मध्‍यरात्री हणजूण पोलिसांनी आसगाव येथे छापा टाकून मूळ श्रीनगर-जम्मू काश्मीरच्या एका व्यक्तीकडून तब्बल ७.३० लाखांचा गांजा तसेच ७ लाखांची रक्कम हस्तगत केली.
संशयित आरोपी मक्सूद अहमद पटलू (५४. सध्‍या रा. आसगाव) असे अटक केलेल्या इसमाचे नाव आहे. पोलिसांना विश्वसनीय सूत्रांकडून माहिती मिळाल्‍यानंतर त्‍यांनी छापा टाकून संशयितास ताब्यात घेतले.
त्याची झडती घेतली असता, त्याच्याजवळ १ लाख ७० हजार रुपयांचा १७७० ग्रॅम गांजा सापडला. तसेच ५६ ग्रॅम हायड्रोपोनिक गांजा आढळून आला. त्याची किंमत ५ लाख ६० हजार रुपये इतकी आहे. शिवाय ७ लाख रुपये रोख त्याच्याजवळील बॅगेत सापडले. ही कारवाई आसगाव येथील एका बार ॲण्‍ड रेस्टॉरंटजवळ करण्यात आली.
दरम्यान, न्यायालयाने संशयित मक्सूद अहमद पटलू याला पाच दिवसांची पोलिस कोठडी सुनावली आहे. पुढील तपास सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
