गोव्यात एलईडी मासेमारीला (LED Fishing) बंदी घालण्यात आली आहे. दरम्यान, मच्छिमारांकडून एलईडी मासेमारीसाठी परवानगी घ्यावी अशी मागणी केली जात आहे. त्यावर मत्स्य व्यवसाय मंत्री निलकंठ हर्णळकर (Fisheries minister Nilkanth Halarnkar) स्षष्टीकरण दिले असून, केंद्र सरकारकडूनच एलईडी मासेमारीला बंदी घातली आहे. पुन्हा एलईडी मासेमारी सुरू करण्यासाठी केंद्राकडूनच परवानगी घ्यावी लागेल. असे हर्णळकर यांनी म्हटले आहे.
मच्छिमार व्यावसायिकांनी मंगळवारी (दि.16) निलकंठ हर्णळकर यांची भेट घेतली. सरकारने गोव्यात एलईडी मासेमारीसाठी विरोधात कारवाई करण्यास सुरूवात केली आहे. इतर देशांमध्ये एलईडी फिशिंग केले जात असून, ठराविक नॉटिकल माईलच्या वरती एलईडी फिशिंग केल्यास मासळीच्या उत्पत्तीवर परिणाम होत नाही. त्यामुळे एलईडी मासेमारीला परवानगी देण्यात यावी अशी मागणी व्यावसायिकांनी केली. केंद्र सरकार दरबारी हा विषय मांडावा अशी मागणी त्यांनी केली.
दरम्यान, मागील आठवड्यात हर्णळकर यांनी समुद्रात जाणाऱ्या प्रत्येक बोटीची तपासणी केली जाणार आहे अशी माहिती दिली. कोणत्याही ट्रॉलर्समध्ये एलईडी आढल्यास त्याच्यावर गुन्हा दाखल केला जाणार असल्याचे त्यांनी स्पष्ट केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.