तुम्हाला रेल्वेने निवडून आणले की आरोशी, वेळसांव, कासावली या गावांतील लोकांनी, ते आधी सांगा. अंडरपासच्या नावाखाली लोकांना ‘लॉलीपॉप’ देण्याचा प्रकार थांबवा. आम्हाला रेल्वे दुपदरीकरण नकोच, असे खडे बोल कुठ्ठाळीचे आमदार आंतोन वाझ यांना आरोशी येथील गावकऱ्यांनी सुनावले.
कुठ्ठाळीचे आमदार आंतोन वाझ आज आरोशी येथे रेल्वे दुपदरीकरणाच्या कामाची पाहणी करण्यास गेले असता तेथे स्थानिक जमले. मात्र, अंडरपास आणि बॉक्स कल्व्हर्टच्या गरजेवरून आरोशी ग्रामस्थ दोन गटांत विभागले गेले. आरोशीतील वातावरण तंग झाले होते. स्थानिकांनी आमदार वाझ यांच्यावर प्रश्नांचा भडिमार केला.
रेल्वे दुपदरीकरणाच्या नावाखाली झाडांची बेसुमार कत्तल सुरू आहे. वन अधिकारी ऑफिसमध्ये बसूनच परवानगी देतात. प्रत्यक्षात किती झाडांची कत्तल झाली याची पाहणी करत नाहीत. वनमंत्री विश्वजीत राणे यांनी राजीनामा द्यावा. - ऑरव्हिल रॉड्रिग्स.
एका बाजूने वेळसांव किनाऱ्याची धूप होत आहे, तर दुसऱ्या बाजूने पाणथळ जागा बुजविल्या जात आहेत. त्यामुळे पावसाचे पाणी समुद्रात वाहून जाण्याच्या वाटा बंद होऊ लागल्या आहेत. - ओलेंसियो सिमोईस, कॉंग्रेस नेते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.