काणकोण: मागील अडीच महिन्यांपासून अवजड वाहनांसाठी बंद असलेला काणकोण-कारवार मार्गावरील अर्धफोंड पूल अखेर 18 मार्च पासून वाहतुकीसाठी खुला करण्यात आला आहे.
काणकोण-कारवार मार्गावरील अर्धफोंड पूल अवजड वाहनांसाठी धोकादायक ठरल्यानंतर पूलावरून सुरू असलेली वाहतूक थांबवण्यात आली होती. पुलाच्या दुरुस्तीसाठी काणकोणच्या (Canacona) महामार्ग विभागाचे तत्कालीन साहाय्यक अभियंता सुभाष पागी यांनी आराखडा तसेच प्रशासकीय सोपस्कार पूर्ण करून घेतले होते. जानेवारीमध्ये कामाला सुरुवात झाली. पुलाची दुरुस्ती करण्यासाठी या मार्गावरील अवजड वाहने, प्रवासी वाहने, स्कूल बसेस (Bus) यांची वाहतूक पूर्णपणे बंद करण्यात आली होती.
पहिल्यांदा पुलाच्या एका बाजूचे काम सुरू करण्यात आले. पुलावरून 2009 मध्ये पुराचे पाणी गेल्यामुळे पुलाला धोका निर्माण झाला होता. शिवाय गुळे ते माशेपर्यंतचा बगलरस्ता तयार होण्याच्या आधी मोठ्या प्रमाणात अवजड वाहनांचा भार या पुलाने (Bridge) पेलला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
