पणजीत विविध ठिकाणी पार्क केलेल्या दोन संशयास्पद कार जप्त करण्यात आल्या आहेत. दहशतवादविरोधी पथकाने अलर्ट केल्यानंतर पणजी पोलिसांनी ही कारवाई केली आहे. दोन्ही कारवर एकच नोंदणी क्रमांक असून, प्रथमदर्शनी गाड्यांवरील क्रमांक बनावट असल्याचे समोर आले आहे.
मिळालेल्या माहितीनुसार, पणजीत दोन कार स्वतंत्र ठिकाणी उभ्या असलेल्या दहशतवादविरोधी पथकाच्या निदर्शनास आल्या. ATS पथकाने याबाबत तात्काळ पणजी पोलिसांना कळवले आणि पणजी पोलिसांनी दोन्ही गाड्या ताब्यात घेऊन तपास सुरू केला आहे.
कारवर MP 04 CW 9008 असा क्रमांक असून, त्याचा परवाना मध्य प्रदेशातील असल्याचे समजते. मात्र, नोंदणी क्रमांक बनावट असल्याचे प्रथमदर्शनी दिसून आले आहे.
यातील एका गाडीचा चेसिस नंबर काढला आहे पण दुसऱ्या गाडीचा चेसिस नंबर तसाच आहे.
पणजी पोलिसांनी कारच्या मालकीचे तपशील मागवले आहेत आणि या प्रकरणाचा पोलीस सध्या कसून तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.