Power Shut Down In South Goa: गोवा वीज खात्याच्या वतीने दक्षिण गोव्यात विविध ठिकाणी नियोजित वार्षिक देखभाल केली जाणार आहे. या पार्श्वभूमीवर खात्याच्या वतीने नोटीस देखील प्रसिद्ध केली असून, देखभाल दुरूस्तीच्या काळात कोणते क्षेत्र प्रभावित होणार याची माहिती दिली आहे. तसेच, दक्षिण जिल्ह्यातील नागरिकांनी याची दखल घ्यावी असे आवाहन केले आहे.
वीज खात्याच्या वतीने नियोजित वार्षिक देखभाल केली जाणार आहे. त्यामुळे दक्षिण गोव्यातील शेल्डे येथील 220 केव्ही क्षमतेचे उपकेंद्र, कुंक्कळी येथील 220 केव्ही क्षमतेचे उपकेंद्र आणि वेर्णा येथील 110 केव्ही क्षमतेचे उपकेंद्र शनिवार (दि. 11 मार्च) रोजी बंद राहणार आहे. सकाळी 07.00 ते दुपारी 3.00 या कालावधीत संपूर्ण दक्षिण गोव्यात वीज पुरवठा बंद राहणार आहे. फोंडा तालुका मात्र यासाठी अपवाद असेल असे खात्याने म्हटले आहे.
केवळ देखभालीच्या कामासाठी ही उपकेंद्र बंद राहणार असल्याचे खात्याने म्हटले आहे.
कोणत्या क्षेत्रात बंद राहणार वीज पुरवठा
काणकोण, सासष्टी, सांगे, केंपे, मुरगाव या पाच तालुक्यातील वीज पुरवठा पूर्णपणे बंद राहणार आहे. तर, धारबांदोडा तालुक्याच्या काही भागातील वीज पुरवठा बंद राहील. दरम्यान, फोंडा तालुका वीज कपातीपासून सुरक्षित असला तरी तालुक्यातील पंचवाडी येथे वीज पुरवठा खंडित राहणार आहे.
शनिवारी 11 मार्च रोजी 07.00 ते दुपारी 3.00 वाजेपर्यंत बंद राहणाऱ्या वीज पुरवठ्याची नोंद नागरिकांनी घ्यावी असे वीज खात्याने म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
