कुंकळ्ळी: श्री शांतादुर्गा कुंकळ्ळीकरीण संस्थानचा वार्षिक छत्रोत्सव मंगळवारी परंपरेनुसार साजरा करण्यात येणार आहे. देवीच्या पालखी मिरवणुकीला दुपारी बारा वाजता श्री शांतादुर्गा संस्थान मंदिरातून सुरवात होणार आहे. देवीची पालखी मिरवणूक बारा छत्र्या नाचवत, धोल ताशाच्या गजरात गुलालाची उधळण करीत मूळस्थानी तळयेभाट येथे पोहचणार आहे. देवीची पालखी भक्तांना दर्शनासाठी साडेपाच वाजेपर्यंत मूळस्थानी तळयेभाट येथे थांबणार आहे.
विविध ठिकाणी देवीचे भाविक देवीचे स्वागत करणार आहेत व देवीची पालखी पुन्हा परतीच्या मार्गी जाणार आहे.रात्री धुळीवंदनाने सात उत्सवाची सांगता होणार आहे. दुपारी सव्वाबारा वाजता धार्मिक विधी झाल्यावर देवीला भक्तांनी गुलाल अर्पण करून उत्सवाला सुरवात होणार आहे. बारा छत्र्या नाचवत धोल ताशाच्या गजरात देवीचा जयजयकार करीत देवीची पालखी मिरवणूक पारंपारिक गोविंद घाटी मार्गाने मल्लागिणी, जुझेंगाळ, सिद्धनगर, नायगिलो, भिवसा, व्होडी या मार्गाने मूळस्थानी तलयेभाट येथे आणण्यात येणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
