Vagator: वागातोर येथील दोन क्लबविरोधात कारवाईचा बडगा! 'ध्वनीमर्यादा' ओलांडल्याबद्दल मालकांवर गुन्हा दाखल

Vagator Club owners loud music case

म्हापसा: हणजूण पोलिसांनी वागातोर येथील दोन क्लबच्या मालकांवर/व्यवस्थापकांवर परवानगी मर्यादेपेक्षा जास्त मोठ्या आवाजात संगीत वाजवल्याबद्दल गुन्हा दाखल केला. ही कारवाई गोवा राज्य प्रदूषण नियंत्रण मंडळाच्या सदस्य सचिवांच्या तक्रारीनंतर करण्यात आली.

माहितीनुसार, गोवा राज्य प्रदूषण नियंत्रण मंडळाच्या सदस्य सचिव डॉ. शर्मिला मोंतेरो यांनी ‘सॅलुड आणि हिल टॉप’ या वागाातोरमधील दोन क्लबविरुद्ध मर्यादेपेक्षा जास्त मोठ्या आवाजात संगीत वाजवल्याबद्दल दोन वेगवेगळ्या तक्रारी दाखल केल्या.

पहिल्या प्रकरणात पोलिसांनी सांगितले की, ३१ डिसेंबर २०२३ रोजी, सकाळी ११ ते जानेवारी १ २०२५ रोजी सकाळी ६ वाजेपर्यंत सॅलुड यांनी परवानगी असलेल्या मर्यादेपक्षा जास्त मोठ्या आवाजात संगीत वाजवले. यावेळी ध्वनी मीटरवर ६५.७ डीबी नोंदवले गेले, जे ध्वनी प्रदूषण नियमांचे उल्लंघन होते.

दुसऱ्या घटनेत, हिल टॉपच्या मालक/व्यवस्थापकावर २४ डिसेंबर २०२४ रोजी रात्री ११ ते २५ डिसेंबर २०२४ रोजी सकाळी ६ आणि ६ जानेवारी २०२५ रोजी, रात्री ११ ते ७ जानेवारी २०२५ रोजी सकाळी ६ या वेळेत त्यांच्या आवारात मोठ्या आवाजात संगीत वाजवल्याबद्दल गुन्हा दाखल करण्यात आला होता. ध्वनी मीटरवरील ६८.२ डेसिबल आणि ७९.७ डेसिबल नोंदवले गेले होते, जे ध्वनी नियमांचे उल्लंघन होते.