Night Club Bouncers Attack On Tourist At Goa: आसगावातील एका क्लबमध्ये तेथील बाऊन्सरनी पर्यटकावर खूनी हल्ला केल्याची घटना घडली आहे. याप्रकरणी त्या संशयित दोन बाऊन्सरना पोलिसांनी अटक केली आहे.
पुणे येथील चार जणांचा गट पर्यटनासाठी गोव्यात आला होता. यावेळी ते क्लबमध्ये गेले असता त्यांच्यासोबत हा प्रकार घडला. हणजूण पोलिसांनी संशयितांना अटक केली. पोलिस पुढील तपास करीत आहेत.
पोलिसांनी दिलेल्या माहितीनुसार, तीन युवक व एक युवती असा चार जणांंचा गट पुणे येथून गोव्यात पर्यटनासाठी आला होता. हा गट शनिवारी आसगाव येथील एका क्लबमध्ये गेला होता. याच गटातील नितेश हे पहाटे क्लबमधील वॉशरूममध्ये जाण्यास निघाले.
यावेळी त्यांना क्लबमधील बाऊन्सरनी जाण्यास अटकाव केला. यावरुन त्यांच्यात वाद झाला. यावेळी नितेश यांच्या मदतीसाठी त्यांचे अन्य मित्र आले. यावेळी संशयितांनी या पर्यटकांसोबत हाणामारी केली.
यावेळी संशयिताने नितेशवर दारूची बाटली डोक्यात हाणली. यात तो गंभीर जखमी झाला. त्याचे मित्र मैत्रिणही किरकोळ जखमी झाली. जखमींना उपचारासाठी रुग्णालयात दाखल करण्यात आले.
किरकोळ जखमींना लगेच डिस्चार्ज देण्यात आला. याप्रकरणी पर्यटकाने हणजूण पोलिसांत तक्रार दाखल केली. तक्रारीच्या आधारे पोलिसांनी गुन्हा दाखल करीत सोहन पाल व मंजूनाथ नाईक (वेर्ला-बार्देश) या दोघा संशयित बाऊन्सरना अटक केली. पुढील तपास पोलीस करीत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.