गोवा खंडपीठाने हणजूण पंचायत क्षेत्रातील किनाऱ्यावरील विकास प्रतिबंधित तसेच सीआरझेड परिसरातील बेकायदा 175 बांधकामे सील करण्याचे निर्देश दिले. त्यानुसार, स्थानिक पंचायत व गटविकास अधिकाऱ्यांनी संबंधित आस्थापनांना टाळे ठोकण्याची प्रक्रिया सुरू केली आहे. मात्र, या प्रक्रियेला विरोध करीत आज सोमवारी (ता. 19) ग्रामस्थांनी 'हणजूण गाव बंद'ची हाक दिली.
दिवसभर गावातील व्यावसायिकांनी कामकाज बंद ठेवून सरकारचे लक्ष वेधण्याचा प्रयत्न केला. यावेळी आमदार मायकल लोबो व आरजीचे सर्वेसर्वा मनोज परब यांच्यात सभेस्थळी शाब्दिक चकमक झाली. लोबो आणि परब यांच्यातील झालेल्या शाब्दिक चकमकीमुळे काही काळ तणाव निर्माण झाला. सद्यःस्थितीला परब यांनी सरकारला दोषी धरले.
तसेच, गोव्यातील जमिनी व व्यावसायिकांना वाचवण्यासाठी सरकारने संरक्षण कायदा अंमलात का आणला नाही, असा जाब परब यांनी लोबोंनी विचारत धारेवर धरले.
मात्र, लोबोंकडे समर्पक उत्तर नव्हते. आणि परब यांनी लोबोंना घेरण्याचा प्रयत्न केला असता, इतरांनी परब यांना बाजूला केले. तसेच, राजकारण किंवा वैयक्तिक टीका करु नका, अशी समज दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.