Sunburn Goa 2023: गोव्यात दरवर्षी सनबर्न संगीत महोत्सवाचे आयोजन केले जाते, दरम्यान, थर्टीफर्स्टला याचे आयोजन केले जाऊ नये अशी मागणी आता जोर धरु लागली आहे.
हणजूण परिसरातील स्थानिकांनी थर्टीफर्स्टला घेऊ नये अशी मागणी केली आहे.
गोव्यात डिसेंबरचे शेवटचे तीन दिवस सनबर्न संगीत महोत्सवाचे ठरलेले असतात. सहा महिन्यापूर्वी पासूनच यासाठी तिकिट बुकिंग केले जाते. दरम्यान, यावेळी थर्टीफर्स्टला सनबर्न घेऊ नये, अशी मागणी स्थानिकांकडून केली जात आहे.
सनबर्न तीन दिवस व्हावा पण तो थर्टीफर्स्टला घेतला जाऊ नये, मुख्यमंत्र्यांना विनंती करुन महोत्सवाच्या तारखा बदलण्याची विनंती करणार असल्याचे आमदार दिलायला लोबो यांनी म्हटले आहे.
दरम्यान, यापूर्वी 31 डिसेंबर रोजी ईडीएम सनबर्न रात्री आठ वाजता बंद करावा अशी मागणी कळंगुटचे आमदार मायकल लोबो यांनी केली होती.
आठ वाजता सनबर्न बंद केल्यास शॅक आणि हॉटेल मालकांना ग्राहक मिळतील. तसेच, हणजूण किंवा वागाोतर परिसरातच सनबर्न व्हावा कारण या भागात मोठ्या प्रमाणावर जागा उपलब्ध आहे. थोडा त्रास होईल मात्र, स्थानिकांना उत्पन्न मिळेल, असे आमदार लोबो म्हणाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.