Margao News: मडगाव रेल्वे स्थानकाजवळ बालिकेचे अपहरण; महिलेला अटक

Margao News: मडगाव रेल्वे स्थानकाजवळ फुटपाथवर झोपलेल्या दाम्पत्याच्या एका महिन्याच्या बालिकेचे अपहरण करण्याचा प्रयत्न करण्यात आला. याप्रकरणी मडगाव पोलिसांनी एका महिलेला अटक केली आहे.

मिळालेल्या माहितीनुसार, दाम्पत्याने फुटपाथवर आपला संसार थाटला होता. त्या जोडप्याला संशयित कधी कधी खायला आणून देत असे.

याच ओळखीतून त्या महिलेने बालिकेच्या आईला आपण तुला चार लाख रुपये देते, तुझी मुलगी मला दे, अशी गळ घातली होती. पण तिच्या आईने ही मागणी झिडकारून लावली.

दोन महिन्यांपूर्वी बालिकेची आई रात्री फुटपाथवर झोपलेली असताना नातलियाने बालिकेला उचलले व पळ काढला. पोलिस तक्रारीनंतर संशयित महिला ही आगशी येथे रहात असल्याची माहिती मिळाली.

आगशीं येथे जाऊन पाहणी केल्यानंतर ही महिला अखेर नावेली सापडली. पोलिसांनी तिला ताब्यात घेतले असून अपहृत बालिका आणि तिच्या आईची रवानगी अपना घरमध्ये केल्याची माहिती पोलीसांनी दिली.