Ponda News : म्हाळशी-कुर्टीत बिबट्यांचा संचार; नागरिकांत भितीचे वातावरण

Ponda News : फोंडा बोरी - शिरशिरे - कलमामळ परिसरात भर रस्त्यावर बिबट्याचे दर्शन झाल्याने भेदरलेल्या अवस्थेत येथील रहिवासी असतानाच आज (रविवारी ) संध्याकाळी म्हाळशी - कुर्टी येथे एका बकरीवर बिबट्याने हल्ला केल्याचा प्रकार उघडकीस आला आहे.

या प्रकारामुळे स्थानिकांत घबराट पसरली आहे. या प्रकाराची वन खात्याने दखल घेतली असून बिबट्याला पकडण्यासाठी वन खात्याने पिंजरा लावण्याची कार्यवाही सुरू केली आहे. म्हाळशे येथे बिबट्याने हल्ला केल्यानंतर बकरीने कसाबसा पळ काढला, तरी या हल्ल्यात बकरी जखमी झाली असल्याची माहिती मेंढपाळाने दिली.

बिबट्याचा त्वरित बंदोबस्त करण्याची मागणी करण्यात येत आहे. म्हाळशे येथे झोरे कुटुंबीय बकरा पालनाचा व्यवसाय करीत असून त्यांच्याच बकरीवर हा हल्ला झाला असल्याचे सांगण्यात आले.