Goa Special Train: ख्रिसमस, न्यू ईयरनिमित्ताने गोव्यासाठी धावणार विशेष ट्रेन; पंजाब, दिल्ली, गुजरात मुंबईतून मडगाव गाठणार, बुकिंग सुरु

Amritsar to Margao Special Train

पणजी: नाताळ, न्यू ईयरच्या निमित्ताने येणाऱ्या सलग सुट्टयांच्या पार्श्वभूमीवर गोव्यासाठी विशेष ट्रेनची घोषणा करण्यात आली आहे. पंजाबमधून सुटणारी ही ट्रेन दिल्ली, गुजरात मुंबईतून गोव्यात दाखल होणार आहे. गोव्यात व्हेकेशनसाठी जाणाऱ्या पर्यटकांची संख्या लक्षात घेता, प्रवाशांच्या सोईसाठी या ट्रेनची घोषणा करण्यात आली आहे.

Amritsar to Margao Train

अमृतसर ते मडगाव (गोवा) ही विशेष ट्रेन लुधीयाना, अंबाला, पानिपत, दिल्ली, मथुरा, सवाई माधोपूर, कोटा, रतलाम, सुरत, पनवेल यासह विविध स्थानकांवर थांबा घेईल. ही ट्रेन दोन्ही बाजुने तीन – तीन फेऱ्या करणार आहे. ट्रेनसाठी बुकिंग सुरु झाले आहे. हिवाळी विशेष ट्रेन अमृतसर ते मडगाव (ट्रेन नंबर ०४६९४) २२, २७ डिसेंबर आणि ०१ जानेवारी रोजी धावणार आहे.

Margao To Amritsar Train

तर, मड़गाव ते अमृतसर (ट्रेन नंबर ०४६९३) २४, २५ डिसेंबर आणि ०३ जानेवारी रोजी परतीचा प्रवास करणार आहे. अमृतसर मडगाव एक्सप्रेस सोमवार आणि शनिवार पहाटे ०५ वाजता स्थानकावरुन रवाना होईल. ही ट्रेन अनुक्रमे मंगळवार आणि रविवारी रात्री ११.५५ वाजता मडगाव स्थानकावर दाखल होईल.

Coach Position

या विशेष ट्रेनमध्ये थर्ड एसी इकॉनॉमी आणि थर्ड एसी कोच लावण्यात आले आहेत. ट्रेन गोवा आणि कोकणात विविध थांबे घेणार आहे

गोवा आणि कोकणातील थांबे (Train Stops)

करमळी, थिवी, सावंतवाडी रोड, कुंडल, कणकवली, राजापूर रोड, रत्नागिरी, संगमेश्वर, चिपळूण, खेड, मानगाव, रोहा, पनवेल, वसई रोड एवढे थांबे घेईल.

याशिवाय पुढे सुरत, वडोदरा, रतलाम, कोटा, सवाई माधोपूर, गंगापूर सिटी, मथुरा, दिल्ली, सफदरगंज, पानिपत, अंबाला, लुधियाना, जालंधर आणि ब्यास स्थानकांवर ट्रेन थांबा घेईल.