फातोर्डा: आपत्कालीन सेवेसाठी तत्पर असलेल्या सरकारच्‍या 108 रुग्णवाहिकेला मडगाव शहरातील हाकेच्या अंतरावर यायला तब्ब्ल 45 मिनिटांचा कालावधी लागत असल्याने अनेकांनी नाराजी व्यक्त केली आहे.
(ambulance issue in goa)
अशा प्रकारामुळे या सेवेचा नागरिकांना काय फायदा, असा प्रश्न सामान्य नागरिकांना पडला आहे. काल दिवसाढवळ्या मडगाव येथील कुंदे पेट्रोलपंपाजवळ एका वयोवृद्ध नागरिकाला स्वयंअपघात होऊन जखमी होण्याचा प्रकार घडला होता. त्‍या जखमी वृद्धाला हॉस्पिटलमध्ये दाखल करण्यासाठी तेथे उपस्थित असलेल्या एकाने 108 रुग्णवाहिलेला तातडीने येण्यासाठी फोन केला होता.
ही रुग्णवाहिका थांबण्याचे ठिकाण आणि अपघात घडण्याचे ठिकाण हाकेच्या अंतरावर आहे. तरीसुद्धा या रुग्णवाहिकेला या ठिकाणी यायला मर्यादित कालावधीपेक्षा अधिक वेळ लागला होता. अशामुळे या सेवेवर अनेकांनी प्रश्नचिन्ह उपस्थित केले आहे. अपघातग्रस्‍तांचे प्राण यामुळे कसे वाचतील, असाही प्रश्न विचारला जात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.