पारोडा पूरग्रस्त भागांची आमदारांकडून पाहणी

केपे : कुंकळ्ळीचे आमदार युरी आलेमाव आणि केपेचे आमदार एल्टन डिकॉस्ता यांनी सरकारी अधिकार्‍यांसह गुडी पारोडा येथील पूरग्रस्त भागांची पाहणी केली आणि अतिवृष्टीमुळे ज्या पुलाची रेलिंग कोसळली आहे त्या पुलालाही भेट दिली.

पारोडा येथील पुराच्या जुन्या समस्येवर कायमस्वरूपी तोडगा काढण्यासाठी हा मुद्दा विधानसभेत मांडणार असल्याचे दोन्ही आमदारांनी सांगितले. याकडे शासनाचे लक्ष वेधण्यासाठी आम्ही लक्षवेधी सुचना मांडणीर असल्याचे त्यांनी सांगितले.

रहदारी सुरू ठेवण्यास मुख्यमंत्र्यांकडून परवानगी

मुख्यमंत्री प्रमोद सावंत यांनी आज शनिवारी पारोडा पुलाची पाहणी करून वाहून गेलेला कठड्याच्या जागेवर आवश्यक ती उपाययोजना घेऊन लोकांच्या सुरक्षेला प्राधान्य देऊन पुलावरून रहदारी सुरू करावी असे सांगितले. पुलाला कोणताच धोका नसून फक्त कठडा वाहून गेला म्हणून पूल बंद करून लोकांना त्रास देऊ नये असे मुख्यमंत्री सावंत यांनी सांगितले.