Alphonso Mango: फळांचा राजा आला रे!राजधानी पणजीत 'हापूस' दाखल; काय आहेत दर? जाणून घ्या

Mango prices in Panaji market

पणजी: राज्यात मानकुराद, हापूस तसेच इतर आंब्यांचे पहिले पीक हे मार्चच्या मध्यावर सुरू होते; परंतु हंगामपूर्व हापूस आंबा जानेवारीतच दाखल होतो. यंदा जानेवारी महिन्यात पहिली पेटी २१ हजार रुपयांना महाराष्ट्रात विकण्यात आली.

आता फेब्रुवारीच्या मध्यावर राजधानी पणजीतील काही मोजक्याच विक्रेत्यांकडे हापूस आंबा विक्रीसाठी उपलब्ध असून ३ हजार रुपये प्रतिडझन दराने विकला जात आहे.

पणजी बाजारात तोतापुरी आंबा २०० रुपये तसेच इतर जातीचे आंबे ३०० रुपये किलो दराने विकले जात आहेत. कच्च्या कैऱ्या देखील बाजारात विक्रीसाठी दाखल झाल्या आहेत.

मक्याच्या कणसांनाही भाव

आंब्यांसोबतच मक्याच्या कणसांना चांगली मागणी असून १०० रुपयांना पाच या दराने विकली जात आहेत. इतर फळांचे दर मागील आठवड्यांपासून स्थिर आहेत. भाजी तसेच फळभाज्यांचे दर देखील थोड्या अधिक फरकाने स्थिर आहेत.