मये येथील मारहाणप्रकरणी अटक केलेल्या सहाही संशयितांना चार दिवसांचा रिमांड घेण्यात आला आहे. गुरुवारी या संशयितांना न्यायालयासमोर उभे केले असता, त्यांना रिमांड मंजूर केला.
माल्याच्या जत्रेच्या पार्श्वभूमीवर अधिकाराच्या मुद्यावरून निर्माण झालेल्या वादाचे रूपांतर मारहाणीत झाले. नाईक गावकर गटातील लोकांनी परब गटातील लोकांना केलेल्या मारहाणीत एका बालिकेसह सातजण जखमी झाल्याची तक्रार डिचोली पोलिसांत करण्यात आली आहे.
याप्रकरणी पोलिसांनी 17 जणांविरोधात भादंसंच्या 307 कलमाखाली गुन्हा नोंद केला आहे. त्यातील सहाजणांना (बुधवारी) सायंकाळीच अटक करण्यात आली होती. याप्रकरणी वरिष्ठांच्या मार्गदर्शनाखाली पोलिस पुढील तपास करीत आहेत.
दरम्यान, सहाजणांना अटक केल्याचे समजताच संतप्त बनलेल्या नाईक गावकर गटातील महिला मिळून जवळपास दोनशे लोकांनी रात्री डिचोली पोलिस स्थानक गाठले.
मध्यरात्रीपर्यंत हे लोक पोलिस स्थानकाबाहेरच होते. आमच्या मुलाला झालेल्या मारहाणप्रकरणी परब गटातील लोकांना अटक करा, अशी मागणी महिला करत होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
