Sangolda: सांगोल्डातील सर्व 22 बेकायदेशीर घरे जमीनदोस्त; बेघरांसाठी नाईक घेणार CM सावंतांची भेट

Sangolda Illegal Houses Demolished: दिवसभरात 15 अनधिकृत घरे जमीनदोस्त केल्यानंतर दुसऱ्या दिवशी (शनिवारी) उर्वरीत सात घरे देखील जमीनदोस्त करण्यात आली आहेत.
Sangolda Illegal Houses Demolished
Sangolda Illegal Houses DemolishedDainik Gomantak

Sangolda Illegal Houses Demolished

सांगोल्डा येथील कोमुनिदादच्या जागेवर उभारण्यात आलेली सर्व 22 बेकायदेशीर घरे अखेर जमीनदोस्त करण्यात आली आहेत. उच्च न्यायालयाच्या निर्देशानुसार उत्तर कोमुनिदादच्या प्रशासकांनी शुक्रवारी (ता.12) कारवाईला सुरुवात केली.

शुक्रवारी दिवसभरात 15 अनधिकृत घरे जमीनदोस्त केल्यानंतर दुसऱ्या दिवशी (शनिवारी) उर्वरीत सात घरे देखील जमीनदोस्त करण्यात आली आहेत.

सांगोल्डा येथील कोमुनिदादच्या जागेत तब्बल 22 घरे उभारली होती. ती बेकायदेशीर असल्याचा ठपका कोमुनिदाद प्रशासनाने ठेवला होता.

2012 सालापासून कोमुनिदाद आणि या घरमालकांमध्ये कायदेशीर लढा सुरू होता. येथील सर्व्हे क्र. 81/1 मधील ही 22 बांधकामे पाडण्याचे निर्देश उच्च न्यायालयाने दिले होते.

आदेशानुसार, कोमुनिदादच्या प्रशासकांनी शुक्रवारी कारवाईला सुरुवात केली. संबधित घर मालकांनी कारवाईला जोरदार विरोध केला. मात्र, विरोधाला न जुमानता प्रशासकांनी सर्वच्या सर्व 22 घरे अखेर जमीनदोस्त केली आहेत.

Sangolda Illegal Houses Demolished
Goa Congress: भाजपचे धोरण 'मिशन टोटल कमिशन'; हाच का मोदींचा विकसीत भारत? खलप यांचा सवाल

बेघरांच्या निवाऱ्यासाठी आमदार केदार नाईक मुख्यमंत्र्यांची भेट घेणार

कारवाईत 22 घरे हटविण्यात आली असून, यामुळे बेघर झालेल्यांची स्थानिक आमदार केदार नाईक यांनी भेट घेतली. बेघर झालेल्या नागरिकांच्या शिष्टमंडळासोबत केदार नाईक मुख्यमंत्री डॉ. प्रमोद सावंत यांची भेट घेणार आहेत.

आज (शनिवारी) सायंकाळी मुख्यमंत्री सावंत यांच्यासोबत होणाऱ्या बैठकीत बेघर नागरिकांच्या निवाऱ्याबाबतच्या पर्यायावर चर्चा होणार असल्याची माहिती समोर आली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com