Goa Crime: लोबो खून प्रकरणातील संशयितास आठ दिवसांची कोठडी

दारूच्या बाटलीसाठी डोक्यात सिमेंटचा ब्लॉक घालून लिओनेल लोबो (वय ३२) या युवकाचा खून केल्याप्रकरणी संशयित आलेक्स कुतिन्हो याला आठ दिवसांच्या पोलिस कोठडीत ठेवण्याचा आदेश देण्यात आला आहे.

खुनाची ही घटना मंगळवारी रात्री पाजेंतर - कुठ्ठाळी येथे घडली होती. पोलिसांना माहिती मिळाल्यानंतर वेर्णा पोलिसांसह पोलिस अधीक्षक सुनीता सावंत, उपअधीक्षक सलीम शेख यांनीही घटनास्थळाची पाहणी केली.

सीसीटीव्ही फुटेज व इतर पुराव्यांवरून लिओनेल लोबो याचा मित्र आलेक्स कुतिन्हो (वय ३४) यास वेर्णा पोलिसांनी अटक केली होती. आज कुतिन्हो याला प्रथमश्रेणी न्यायालयात हजर केले असता त्याला ८ दिवस पोलिस कोठडी सुनावली.