Goa Accident Death: अंजुणे धरणाजवळ भीषण अपघात! युवतीचा मृत्यू, 5 प्रवासी जखमी

वाळपई: केरी-सत्तरी येथे अंजुणे धरणाजवळ मंगळवारी (ता. २७) पहाटेच्‍या सुमारास झालेल्या भीषण कार अपघातात स्नेहल घातेगस्ती (२७) या युवतीचा मृत्यू झाला, तर पाच जण जखमी झाले आहेत.

अक्कलकोट येथून गोव्यातील पर्वरीकडे प्रवास करत असताना मारुती कार (जीए-०३-झेड-०७९२) अंजुणे धरणाजवळ आली असता चालकाच्या नियंत्रणाबाहेर गेली. ही कार रस्त्याच्या उजव्या बाजूच्या मातीच्या उतारावर आदळून अपघातग्रस्त झाली.

या अपघातात कारमधील स्नेहल हिचा उपचारादरम्यान मृत्यू झाला. इतर पाच प्रवासी जखमी झाले असून त्यांना उपचारासाठी इस्‍पितळात दाखल करण्यात आले आहे.

नंदकुमार ऊर्फ गोपाळ नाईक (६०, रा. साल्वादोर-द-मुन्‍द, पर्वरी) हे कार चालवत होते. ते अक्कलकोटहून चोर्लाघाटमार्गे गोव्याकडे येत होते.