Vasco News : विमानाचे सुटे भाग घेवून जाणारा ट्रक अडकला कोकण रेल्वे पुलाखाली

वास्को येथून निपाणी-बेळगाव येथे अवजड ट्रक(ट्रेलर)मधून विमानाचे सुटे भाग नेताना पाटे-बाळ्ळी येथील रस्त्याच्या वळणावर वळण घेण्यासाठी अडथळा निर्माण झाल्याने वाहतूक कोंडी होण्याचा प्रकार आज सकाळी घडला.

याविषयी माहिती प्राप्त झाल्यानंतर कुंकळ्ळी पोलिसांनी धाव घेऊन तत्काळ रस्ता मोकळा करण्यात यश मिळविल्याची माहिती स्थानिक पोलिस निरीक्षक तुकाराम चव्हाण यांनी दिली.
ही घटना सकाळी 7 वा.दरम्यान घडली.

त्यानंतर 10 वाजेपर्यंत म्हणजे 3 तास वाहतूक कोंडी झाली. हा प्रकार केवळ काणकोणच्या दिशेने जाण्याच्या रस्त्यावर घडला होता. तर काणकोणहून मडगावच्या दिशेने येणारी वाहतूक सुरळीत होती, असेही निरीक्षक चव्हाण यांनी सांगितले.