Agonda : सरकारी योजनांचा युवतींनी घ्यावा लाभ; काणकोणात नव-युवती संमेलन उत्साहात

Agonda : काणकोण भाजप महिला मोर्चातर्फे अर्धफोंड-काणकोण येथील बलराम उच्च माध्यमिक विद्यालयात नव-युवती संमेलन आयोजित करण्यात आले होते. यावेळी प्रदेश भाजपा महिला उपाध्यक्ष चंदा देसाई, काणकोण महिला अध्यक्ष वृंदा सतरकर, दक्षिण गोवा भाजप महिला सरचिटणीस मनुजा नाईक गावकर, सदस्य शैला प्रभुदेसाई, उच्च माध्यमिक विद्यालयाच्या प्रभारी मुख्याध्यापिका कविता फळदेसाई, सुविधा कोमरपंत, पूर्वा कोमरपंत आदी उपस्थित होत्या.

सुरुवातीला प्रभारी मुख्याध्यापिका कविता फळदेसाई यांनी स्वागत केले. केंद्रामध्ये पंतप्रधान नरेंद्र मोदी यांनी आपल्या 9 वर्षांच्या कार्यकाळात देशाला नवी दिशा दिली. अनेक घटकांच्या उद्धारासाठी वेग-वेगळ्या योजना अस्तित्वात आणल्या.

नव-युवती करता असलेल्या विशेष योजनांचा फायदा करून घेण्याचे आवाहन मनुजा नाईक गांवकर व चंदा देसाई यानी यावेळी केले. यावेळी नव-युवती कडून चांगला प्रतिसाद लाभला असल्याचे वृंदा सतरकर यांनी सांगितले. पूर्वा कोमरपंत यानी सूत्रसंचालन केले.