Agonda Beach: आगोंद किनाऱ्यावर पर्यटन व्यवसाय बंद; संतप्त नागरिकांचा उपजिल्हाधिकारी कार्यालयावर मोर्चा

Agonda Beach protest: आगोंद येथील किनाऱ्यावरील सील करण्यात आलेल्या पर्यटन व्यवसायामुळे त्रस्त नागरिकांनी सोमवारी सकाळी उपजिल्हाधिकारी कार्यालयावर निषेध मोर्चा काढला.
Agonda Beach
Agonda BeachDainik Gomantak
Published on
Updated on

आगोंद: आगोंद येथील किनाऱ्यावरील सील करण्यात आलेल्या पर्यटन व्यवसायामुळे त्रस्त नागरिकांनी सोमवारी सकाळी उपजिल्हाधिकारी कार्यालयावर निषेध मोर्चा काढला. यात टाळे ठोकण्यात आलेले पर्यटन व्यावसायिक व अन्य नागरिकांनी सहभागी झाले होते. आंदोलकांनी उपजिल्हाधिकारी मधू नार्वेकर यांची भेट घेउन आपल्या मागण्याचे निवेदन त्यांना सादर केले.

यावेळी शॅक ओनर्स संघटनेचे धर्मेश सगलानी, आगोंदचे सरपंच नीलेश पागी, सूरज नाईक गावकर, बरसात नाईक गावकर, नगरसेवक सायमन रिबेलो, शुभम कोमरपंत,हेमंत नाईक गावकर, धीरज नाईक गांवकर, पंच रामनाथ वेळीप आदी उपस्थित होते.

हा मोर्चा सरकार विरोधात नसल्याचे यावेळी स्पष्ट करण्यात आले. दरम्यान, माजी आमदार विजय पै खोत, सामाजिक कार्यकर्ते शांताजी नाईक गावकर, जनासेन प्रमुख जनार्दन भंडारी, प्रशांत पागी, नगरसेवक शुभम कोमरपंत, सायमन रिबेलो, माजी पोलिस अधीक्षक महेश ना. गावकर, माजी नगराध्यक्ष राजेंद्र देसाई, हेमंत नाईक गावकर आदींनी आंदोलकांची भेट घेउन पाठिंबा व्यक्त केला.

Agonda Beach
Goa’s Healthcare Boost: उत्तर गोवा इस्पितळात लवकरच ‘आयसीयू’! राष्ट्रीय सरासरीपेक्षा गोव्यातील आरोग्य सेवा चांगली; आरोग्यमंत्री राणे

यावेळी सूरज नाईक गावकर यांनी सांगितले की, टाळे ठोकण्यात आलेल्या आस्थापनांकडे सर्व परवाने आहेत. या विरोधात न्यायालयीन लढाही दिला जाईल. विधानसभेतील ४० ही आमदारांनी या प्रश्नावर विधानसभेत आवाज उठवावा.

तसेच कायदेशीर आस्थापनांना अभय द्यावे, असे सांगितले. उपाध्यक्ष पंकज नाईक गावकर, गोवा फॉरवर्डचे विकास भगत, सरपंच नीलेश पागी, धर्मेश सगलानी यांनी यावेळी मार्गदर्शन केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com