Goa Turtle : १२५ कासव पिल्लांना आगोंद समुद्रात सोडले

Goa Turtle :

आगोंद समुद्रकिनाऱ्यावर मंगळवार १९ रोजी रात्री एकदम १२५ सागरी कासवांच्या पिल्लांना समुद्रात सोडले. नुकतेच ६ समुद्री कासवांनी या ठिकाणी ५६० पेक्षा जास्त अंडी दिली होती.

दोन‌ कासवांच्या घरट्यामधील ही पिल्ले असल्याची माहिती आगोंद कासव संवर्धन केंद्राच्या सूत्रांकडून देण्यात आली होती.

४८ कासवी घरटी असून काही घरट्यांत १०० पेक्षा जास्त अंडी दिलेली आहेत तर काही घरट्यात १०० पेक्षा कमी अंडी दिलेली असून त्यांची योग्य ती काळजी घेतली जात आहे. एका घरट्यातून पिल्ले बाहेर येण्यास सुमारे ४५ ते ५० दिवसांचा कालावधी लागतो, त्या दहा दिवसात दोन घरट्यातून कासवांची पिल्ले बाहेर येण्याची शक्यता आहे.

आगोंद समुद्रकिनाऱ्यावर आतापर्यंत एकूण ४८ रिडले कासवांची घरटी कासव संवर्धन केंद्रात आहेत. यामधील दोन क्रमांकाच्या घरट्यांमधून येत्या ४ ते ५ दिवसांत १३० कासवाची पिल्ले जन्म घेणार आहेत, अशी माहिती खास सूत्रांकडून देण्यात आली होती.