Agond Panchayat : आगोंद पंचायत क्षेत्रातील काणकोण कोमुनिदादच्या जागेत असलेली बांधकामे नियमित करावी, अशी मागणी मुख्यमंत्री डॉ. प्रमोद सावंत यांची भेट घेऊन केली आहे. सरकारने आम्हाला दिलासा द्यावा, अशी मागणी आगोंद पंचायत क्षेत्रातील नागरिकांनी भुरीम येथील सभागृहात घेतलेल्या पत्रकार परिषदेत केली.
यावेळी अॅड. फियोना रॉड्रिग्ज, पंच नीलेश पागी, फातिमा रॉड्रिग्ज, नंदकिशोर फळदेसाई, पार्वती पागी, रेमेतिना फर्नांडिस, कायतानी फर्नांडिस, आग्नेल फर्नांडिस व अन्य नागरिक उपस्थित होते.
कोमुनिदादची जमीन आमचीच आहे म्हणून या जागेत आम्ही घरे बांधली. पण ही घरे आज मोडणार उद्या मोडणार या भीतीने गेली कित्येक वर्षे आम्ही दिवस कंठत आहोत. सरकारने ही घरे कायदेशीर करावी, असे यावेळी सांगण्यात आले.
आगोंद पंचायत क्षेत्रातील ७८ घरे पाडण्यासाठी कोमुनिदाद प्रशासकांनी नोटीस बजावली असून या नोटिसाला मुंबई उच्च न्यायालयात आव्हान देण्यात आले असल्याची माहिती यावेळी नागरिकांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.