उन्हाळी सुट्टीनंतर पुन्हा किलबिलाट सुरु

School उन्हाळी सुट्ट्यांनंतर आज सोमवारी (दि. 5) में जून रोजी राज्यातील शैक्षणिक वर्षाचा प्रारंभ झाला. त्यानुसार शाळा मुलांच्या किलबिलाटाने गजबजून गेल्या आहेत. बहुसंख्य मुले शाळा पुन्हा सुरू झाल्याने खूप उत्साही होती. तर काही मुले अजूनही सुट्टीच्याच मुडमध्ये होती.

सुमारे महिना, दिड महिनाभर सुट्टीचा मनमुराद आनंद लुटल्यानंतर शाळांमध्ये विद्यार्थी आज पुन्हा एकदा सक्रीय झाले. सुट्टीच्या दिवसांत आपापल्या गावी गेलेले विद्यार्थी काल रविवारी संध्याकाळी घरी परतल्यानंतर आज त्यांनी शाळा गाठली.

सकाळी 7 वाजल्यापासून पालक आपल्या पाल्यांना शाळेत घेऊन जाताना दृष्टीपथास पडत होते. तसेच गेले दिड महिना बंद असलेली शालेय बसची वाहतूक आज सुरू झाली. त्यामुळे सकाळी 7 ते 8 ही वेळ वाहतूक कोंडीत गजबजून गेली होती. काही पालक चालत आपल्या मुलांना शाळेच्या वर्गात सोडून आले.

तर काही दुचाक्या, चारचाकी वाहने घेऊन मुलांना शाळेत सोडण्यास आले. खूप दिवसांनंतर भेट झाल्याने शालेय मीत्र मैत्रीणीच्या गप्पा गोष्टी रंगल्या होत्या. नंतर शाळेची पहिली घंटा वाजल्यानंतर मुलांची अॅसेब्ली सुरू झाली.

शाळेच्या मुख्याध्यापकांनी मुलांना शाळेचे नियम व अटी सांगून झाल्यानंतर राष्ट्रगीत झाले.नंतर मुलांनी आपापले वर्ग गाठले.अनुदानीत शैक्षणिक संस्थांमध्ये नर्सरी ते तिसरी पर्यन्तच्या वर्गासाठी यंदापासून नव्या शैक्षणिक धोरणाची अंमलबजावणी करण्याचे निश्चित केले आहे. परंतू या धोरणाची अंमलबजावणी 3 जुलैपासून करण्यात येणार आहे.

नवीन धोरणानुसार वह्या, पुस्तकांशिवाय विद्यार्थ्यांना शिक्षण देण्यात येणार असल्याचे खात्याने जाहीर केले आहे. त्यामुळे या इयत्तामधील विद्यार्थ्यांनी पुस्तकांशिवाय शाळा गाठली. या इसत्तामधील विद्यार्थ्यांच्या पालकांमध्ये शालेय साहित्याच्या खरेदीबाबत संभ्रम पसरला आहे.

पालक शाळांमध्ये याबाबत माहिती घेण्यास मग्न आहेत. दरम्यान, शालेय साहित्य खरेदीसाठी शनिवारी, रविवारी बाजारांमध्ये आजही गर्दी आढळून आली.