पणजी: आरोग्यमंत्री विश्‍वजीत राणे आज गुरुवारी संध्याकाळी आपल्या दिल्ली दौऱ्यावरून परतले. ते एका चार्टर विमानाने सकाळी दिल्लीला गेले होते. गोवा विमानतळावर उतरल्यानंतर पत्रकारांशी बोलताना आपण दिल्लीला गेल्याचा त्यांनी इन्कार केला. मी मुंबईला गेलो होतो. एवढेच ते म्हणाले.
गोवा निवडणुकीनंतर विश्‍वजीत राणे तातडीने आज सकाळी दिल्लीला गेले होते. गोव्यात भाजपा सरकार स्थापन करण्यासाठी आपण काही आमदारांच्या संपर्कात आहोत. हे त्यांनी दिल्लीला भाजप पक्षश्रेष्ठींना सांगितल्याचे वृत्त आहे.
सत्तेरी येथील राणे यांचे निकटवर्तीय सांगतात, विश्‍वजीत यांनी मुख्यमंत्री बनण्याची आपली महत्त्वकांक्षा कोणापासून लपवून ठेवलेली नाही. दोन दिवसांपूर्वी आपल्या समर्थक पंच सदस्यांशी बोलताना, आपणच मुख्यमंत्री बनणार असल्याचे त्यांनी जाहीर केले होते. गोव्यात भाजपचे काही महत्त्वाचे नेते या निवडणुकीत पराभूत होतील आणि आपल्यालाच सर्वोच्च पद मिळेल असा राणे यांचा होरा आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
