पणजी: वेगमर्यादा व मद्यप्राशन केलेल्या वाहन चालकांविरुद्ध ‘ड्रंक अँड ड्राईव्ह’ची मोहीम सुरू केली असली तरी अल्कोमीटरअभावी ती कमकुवत ठरताना दिसत आहे. गेल्या पाच दिवसांत 145 मद्यपी वाहन चालकांविरुद्ध गुन्हे दाखल करून न्यायालयात अहवाल पाठवला आहे.
(Action recorded against 145 drunk drivers in five days in goa)
पहिला गुन्हा असेल त्यांना दंडात्मक कारवाईनंतर परवाना निलंबित न करता एकदा संधी दिली जाईल मात्र दुसऱ्यांदा सापडल्यास थेट वाहन परवानाच रद्द करण्यासाठी शिफारस केली जाईल, असे मत वाहतूक पोलिस अधिकाऱ्यांनी व्यक्त केले.
अल्कोमीटरची कमतरता असल्यामुळे जिल्हा पोलिस स्थानके या कारवाईत उतरत नाहीत. 50 टक्क्यांहून अधिक अल्कोमीटर नादुरुस्त झालेले आहेत. त्यामुळे नव्या 45 अल्कोमीटरचा प्रस्ताव मंजूर झाला असला तरी अधिकृत कंपनीकडून खरेदी करण्याची प्रक्रिया बाकी आहे.
10 हजारांचा दंड; 3 महिन्यांचा कारावास
वाहतूक पोलिसांनी रात्री 10 ते 12 वाजेपर्यंत मद्य प्राशन केलेल्या वाहन चालकांविरुद्ध मोहीम सुरू केली आहे. पहिल्याच दिवशी उत्तर गोव्यात 17 तर दक्षिणेत 14 प्रकरणांची नोंद झाली. पोलिस रात्रीच्यावेळी मद्यप्राशन चाचणी करत असल्याने अनेकांनी त्याचा धसका घेतला आहे कारण गुन्ह्यासाठी तब्बल दहा हजार रुपये दंड व 3 महिन्यांचा कारावास अशी शिक्षा आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
