Margao Crime News: चिनी बनावटीचे मोबाईल भारतीय म्हणून विकणाऱ्या एका कंपनीच्या गोव्यातील पाच आस्थापनांवर वजन व माप खात्याने एकाच वेळी धाड घालत 35 लाखांचे मोबाईल व अन्य साहित्य जप्त केले आहे.
या कंपनीची चेन संपूर्ण भारतात असल्याचे वजन व माप खात्याने म्हटले आहे; पण त्या कंपनीचे नाव मात्र जाहीर केलेले नाही.
या कंपनीच्या मडगाव, म्हापसा, फोंडा, वास्को व पणजी येथील आस्थापनावर ही धाड घालण्यात आली.
यात सुमारें 500 आयटम्स जप्त करण्यात आले असून त्यात 5 लॅपटॉप, सुमारे 100 मोबाईल्स आणि अन्य सामानाचा सामावेश आहे.
या सामानाच्या मूळ पॅकेजवर मेड इन चायना असे नमूद केलेले असून वर चिकटविलेल्या स्टिकरवर मेड इन इंडिया असे नमूद केले होते.
या मोबाईलच्या बॉक्स वर कस्टमर केअर सेंटरचा क्रमांकही लिहिण्यात आला नव्हता. अशा रीतीने ही कंपनी ग्राहकांना फसवित होती अशी माहिती या खात्याचा अधिकाऱ्यांनी दिली
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
